عدد الرسائل: 15635 العمر: 19 الاوسمة:: النشاط: 12337 التقيم: 1027
موضوع: علي طول بنلف والدنيا بتلف .. هي مروحة ؟؟!!! الخميس يوليو 02, 2009 4:46 pm
بسم الله الرحمن الرحيم
احمد
تلميذ في الصف الثالث الابتدائي يقوم من النوم علي الشنطة جريعلي المدرسة يقعد علي التخته بتاعتة وسط صحابة الاربعين في الفصل الجو حر او برد مش فاهم حاجة كل دماغة في الكورة يخرج جري علي البيت ياكل و جري علي الدرس يتضرب لانة مش مذاكر يرجع البيت جري عشان يلحق ينام عشان بكرة عندة مدرسة
و تلف الايام و تدور و بكرة يجي علية الدور
احمد طالب جامعي يقوم من النوم براحتةمهو سهران طول الليل قدام النت يلبس و يتشيك مهو رايح الجامعة و ما ادراك ما الجامعة ينزل جري يدور علي التاكسي اصلة اتاخر علي ميعاد ..... المحاضرة يرجع علي الغدا رنة علي التلفون الشلة علي الكافية ينزل جري عشان يلحقهم قبل ما .... يقوموا يرجع البيت طالع عينة من كتر ... المذاكرة ينام لا طبعا لسة عندة مذاكرة .... علي النت
و تلف الايام و تدور و بكرة يجي علية الدور
احمد موظف في الحكومة يصحي يدوب جري يخطف اي حاجة ياكلها ينزل جري عشان يلحق الاتوبيس و دايما بيوصل متاخر و يجري ورا الاتوبيس حوالي نص كيلو رغم كدة عندة كرش ... ازاي معرفش يجري علي سلالم المصلحة اصلة اتاخر علي .... شغلة بين شرب الشاي و الجرايد و فوت علينا بكرة بسرعة خلص شغلة جري علي بتاع البطيخمهو اي موظف مينفعش يدخل بيتة الا ببطيخة جواز مرور للبيت ضمان يسكت بيه جهاز الستيريو اللي في البيت جري علي الغدا قبل ما يخلص جري علي السرير قبل ما يحتل جري علي القهوة قبل ما حد غيرة يحجز الكرسي الموقر بتاعة جري علي البيت قبل ما الشبشب يجهز
و تلف الايام و تدور و بكرة يجي علية الدور
جري احمد الابتدائي حصل احمد اللي في الجامعة
جري احمد اللي في الجامعة حصل احمد الموظف جري احمد الموظف حصل كل اللي سبقوة في مكان معدتش فية جري؟؟؟؟
و الغريب انو مفيش ولا احمد وقف و قال انا بجري لية؟؟ مين اللي بيجري ورايا؟؟؟ دايرة مقفولة ساقية و بنلف فيها
تصور وسط الجري دة يوم الصبح كالعادة طلعت الشمس من الغرب بدل الشرق تفتكر اى احمد من دول هياخد بالة منها؟؟؟؟ ازاي دة عمرة اساسا ما بص ليها
مش فارقة معاها الدنيا شتا ولا حر دفا ولا برد نهار و لا ليل طوبة ولا امشير مهو علي الجري متعود حتي لو قطعوله رجليه
كل يوم تسمع احنا في زمن السرعةيخرب بيت السرعة اللي بالشكل دة يخرب بيت السرعة اللي بتاخد عمرنا من غير ما نحس بية و لا من غير ما نعمل حاجة فية مش عاوزها السرعة دي عاوزه ابقي في عصر الديناصورات بس استفيد من حياتي اعمل حاجة لاخرتي بدل ما اقعد اجري مش عارف بجري من اية ولا ورا اية
ااقف انت و سيب اللي يجري يجري فكركويس جهز نفسك بص حوليك و بعدين ابدا امشي صدقني هتحصل اللي بيجري و تسبقة كمان وفي الاخر بدل ما تقول بنلف في دواير .. و الدنيا تلف بينا هتقول
الله قد اية حلوة الحياة
<P> </P>
رحال صاحب القلم الذهبي
عدد الرسائل: 5448 العمر: 22 الاوسمة:: النشاط: 4917 التقيم: 611
موضوع: رد: علي طول بنلف والدنيا بتلف .. هي مروحة ؟؟!!! الخميس يوليو 02, 2009 5:00 pm
لا انا هقول الله قد ايه الموضوع دا جميل جااااااااااااااااامد جداً يا ايوت بيعبر تقريباً عن 90% من المصريين أسلوب عرض شيق وخفيف تسلم ايدك
عدد الرسائل: 7923 العمر: 22 الاوسمة:: النشاط: 5385 التقيم: 328
موضوع: رد: علي طول بنلف والدنيا بتلف .. هي مروحة ؟؟!!! الخميس يوليو 02, 2009 10:13 pm
جزاك الله خيرا
<P> اللهم لا تجعل مصيبنا فى ديننا </P> <P>اللهم ما اعف عنا واغفر عنا وارحمنا </P> <P>اللهم ما توب علينا يا رب </P> <P> </P> <P>آميــــــــــــــن يارب العالمين </P>
beebooo2008 صاحب الطلة البهية
عدد الرسائل: 6138 العمر: 21 الاوسمة:: النشاط: 7397 التقيم: 1075
موضوع: رد: علي طول بنلف والدنيا بتلف .. هي مروحة ؟؟!!! الخميس يوليو 02, 2009 11:55 pm
مش عارف اقول ايه يا ايوت انتي حطيتي صورة كبيرة بينت الشكل الكلي لحياة الانسان من ولادته وحتى موته وهو الشكل الروتيني الممل الذي تدور عليه الحياة والدني في هذه الأيام وفي هذه البلد تحديدا ولكن لا أجد سوى أن أقول لابد من التغيير وعدم الاستسلام للروتين .... تسلم إيدك أيـــــــــــــــوت موضوع جمييييييييييييييييل
شكـــــرا سلمــــــى
dr_ayota Princess
عدد الرسائل: 15635 العمر: 19 الاوسمة:: النشاط: 12337 التقيم: 1027
موضوع: رد: علي طول بنلف والدنيا بتلف .. هي مروحة ؟؟!!! الجمعة يوليو 03, 2009 7:03 am
موضوع: علي طول بنلف والدنيا بتلف .. هي مروحة ؟؟!!! 
الخميس يوليو 02, 2009 4:46 pm
