المعاكسات..ياترى رجووله ولا

عندك حق يا جهاد والله..يعنى لما كل ما تنزل البنت من بيتها تبقى واثقه ان اكيد فى حد هايدايقها يبقى فعلا هييجى علينا وقت ماننزلش من البيت اصلا...

ههههههههههههه
مش للدرجة دي يا جماعة
لا احنا طبعا نمشي
بس طالما راعينا ربنا في كل تصرفاتنا في الشارع
يبقي ربنا هيحفظنا ويحافظ علينا
ومش هنسيب مدارسنا وكلياتنا وشغلنا علشانهم
وبعدين في بنات اكيد المعاكسة دي ترضي شيء في نفسهم
اكيد دول مش هيسيبوا الشارع علشان بيتعاكسوا يعني
لا دول بيبقوا فرحانين بكدة
احنا بقي الحزب المعارض مش لازم نقاطع
لازم نكون ايجابيين اكتر
يعني لو كان الانسان دة موجود في محيط الاسرة او العائلة فما فيش مانع اننا نصحه ونكلمه
الكلام للولاد والبنات علي السواء
وبرضه اخواتنا واحنا ماشيين معاهم في الشارع نكلمهم
انا مثلا لما بمشي مع حد من اخواتي
بقعد اقوله واوصفله قد ايه انا مبسوطة وانا ماشية معاه ومطمئنة
لأن لما بمشي لوحدي الولاد بيضايقوني
واقعد كل ما تيجي مناسبه اقوله
علشان هو لما يبقي ماشي في الشارع
ويشوف بنت هيفتكرني
وهيحطني مكان البنت دي
واكيد مش هيعمل كدة
ربنا يهدينا جميعا بنات وولاد
وشكرا مرة اخري ايوتة علي الموضوع الرائع القيم وعلي المداخلات القيمة

شكرا أحلي سلمي

كل كلامك صح يا ايه واللى قولتو كان مجرد تهريج لان مهما حصل مفيش حاجه تمنعنا من النزول طبعا ولو كل مشكله هنستسلملها يبقى مفيش حاجه هتتصلح...
واكييد الشكر ليكوا انتوا طبعا لان من غيركوا الموضوع مش كان هيبقالو اى اهميه..

مش المقصود يا جماعة من عدم النزول يعني عدم النزول دي مجرد بس توضيح لعد الاطمئنان الزايد
يعني بجد انا لما ببقي ماشية لوحدي ومرعوبة من اي حاجة تحصل اصل حتي الكلمة مش سهلة والله
يلا ربنا يهدي الجميع
تسلمي يا ايه مرة تانية علي الموضوع الجامد ده
وهنستني منك اكتر واكتر