ميدان لبنان

موضوع: ميدان لبنان الأحد فبراير 28, 2010 2:38 pm

ساعات

بيبقى عندى شك..

إن الصوت اللى ف صدرى

بيزعجنى وعلى طول بيقول

تيك.. تك..

ده مش قلبى

دى بطارية صينى..

لا تقدر تحلم معايا

ولا تعرف تغنى لى..

عارف

كل ما أقول دى عقدة

ويومين وتتفك..

تتعقد أكتر..

معقول مفيش فى السكة

ولا عود أخضر..

من زمان

وأنا نفسى فى شوية هدوء

شارع يروق كل يوم

خمس دقايق..

مش أكتر..

ونسمة هوا طازة..

واستراحة

مش مجرد إجازة

وحلم يعيش ويتفسر

براح ما ينتهيش

بورطة فى ميدان لبنان

وإن وقع مرة

يتكسر..

تفتكر ممكن..

يعنى أقدر..

وأنا اللى لسه عندى شك

إن ده مش قلبى

دى بطارية..

نعيب زماننا والعيب فينا
وما لزماننا عيب سوانا
ونهجو ذا الزمان بغير ذنب
ولو نطق الزمان لنا هجانا

موضوع: رد: ميدان لبنان الأحد فبراير 28, 2010 5:14 pm

فعلا دي بطارية صيني بتهنج
تسلم ايدك واختيارك
ازهـــــــرية

موضوع: رد: ميدان لبنان الإثنين مارس 08, 2010 7:10 pm

تسلم بيبو

دايما منور اى موضوع بمرورك

نعيب زماننا والعيب فينا
وما لزماننا عيب سوانا
ونهجو ذا الزمان بغير ذنب
ولو نطق الزمان لنا هجانا