امثال فلسطينية:-

- جوا الدار قردة وبرا الدار وردة
2-طبخته على النار وعينه على طبخة الجار
3-قلل طعامك تحمد منامك
4-نام دافي بتقوم متعافي
5- بعد المعروف ضرب كفوف
6- ما يعلم حالك الا ربك ثم جارك
7- الانسان بالمحضر ومش بالمنظر
8- باع عمارة واشترى حمارة
9- الدار دار ابونا واجوا الغربية طحونا
10- من خان صديقه احترم عدوه
11- من عذب لسانه كثر إخوانه
12- ان غاب القط العب يا فار
13- حط العدس وانفخ تحته ما اعطل من الخال الا ابن اخته
14-العز لرز والبرغل شنق حاله
15- صار للشرشوحة مرجوحة وصارت تحلف بالطلاق
16- ضرب الحبيب زبيب وحجارته قطين
17- دلع ابنك بيرضيك دلع بنتك بتخزيك
18-في قلبي صدى ما بحبش حدى
19- من طلب العلا سهر الليالي ومن حشى الكوسا لف الدوالي
20- طب البريق على ثمه بيطلع الولد لامه
21- طب الجرة على فمها بتطلع البنت لامها
22- القرد في عين امه غزال
23- ديك يوم ولا سنة فرخة
24- طخه وصيبه وقول نصيبه
25- ان ضحكت يوما تبكي سنة
26- اجريها عوج بدها بابوج
27-جبناك يا عبد المعين تتعين اطلعت يا عبد المعين بدك تنعان
28- احترنا يا قرعة من وين بدنا انبوسك
29- انا والغريب على ابن عمه وابن عمه والغريب عليه
30- خاف من عدوك مرة ومن صديقك الف مرة
31- ما اقدرش لحماته قام لمراته
32- الطبخة اذا كثره طبخينها بتخرب
33-المعدلة ابتطبخ قروش واللي حواليها بدوش
34-حامت الحايمة واجت فوق النايمة
35-عيش يا قديش تيطلع الحشيش
36- اجاك يا بلوط مين يعرفك
37-ارضينا بالبين والبين ما رضي فينا
38-جاجة حفرت على راسها عفرت
39-طب الجرة على شفتها بتطلع البنت لعمتها
40 - اللي بدري بدري واللي بدريش بقول كف عدس
41- كل فتاة بابيها معجبة
42- ومن الحب ما قتل
43-اجت الحزينة تتفرح قامت ما اقتلهاش مطرح
44-الطول طول النخلة والعقل عقل سخلة
45- طويل وهبيل
46- الطويل في السما نجمة والقصير في الارض فجلة
47- طلع من البليلا بدون حمص
49- شحاد ومشرط


ان شاء الله تعجبك هالامثال مع انوا راح اتلاقوا صعوبة في فهمها وقرايتها
وانا راح استنى ردودكم

لا بالعكس مش صعبة لان في امثال كتير بالمصري لها نفس المعنى بس اللهجة هنا تختلف

فعلا في أمثال كثيرة قالوها السابقين وما زلنا بنقولها بس دايما علينا ناخد بالنا واحنا بنقولها علشان بيكون في بعض الأمثال مش صحيحة من الناحية الدينية



من عذب لسانه كثر إخوانهرائع هذا المثل فعلا

تسلم ايدك يا همس

انا فهمت معظمها وعجبنى منهم كتير منهم
من خان صديقه احترم عدوه
من عذب لسانه كثر إخوانه

شكرا كتير ع المرور
نورتوا الموضوع